नेकपाका नेता माधवकुमार नेपालले 'को पहिला बोल्ने' भन्ने विषयमा संसद अवरुद्ध गरेर कांग्रेसले गलत नजिर बसाल्न खोजेको बताएका छन्।
प्रतिनिधि सभा बैठक स्थगित भएपछि बाहिरिने क्रममा नेता नेपालले संसदीय परम्परा अनुसार प्रधानमन्त्रीको कुरा सुन्नुपर्ने बताए। 'प्रधानमन्त्री बोल्ने भनेपछि संसदीय परिपाटी अनुसार सुन्नुपर्छ', नेता नेपालले भने, 'त्यसपछि बोल्ने सन्दर्भमा बोल्न पाउनुपर्छ। सभामुखको रुलिङ पनि त्यहि थियो। त्यो कुरा पालना नगर्नु भनेको गलत संसदीय नजिर बसाल्न खोजेको देखिन्छ।’
