नेपाल कम्युनिस्ट पार्टी (नेकपा) की सांसद मैनाकुमारी भण्डारीले बादरको समस्या हटाउन सरकारको ध्यानाकर्षण गराएकी छिन्।
बिहीबार प्रतिनिधिसभा बैठकको शून्य समयमा उनले गुल्मी जिल्लामा किसानहरूले लगाएको बाली फुल्न नपाउँदै बाँदरहरूले नोक्सान गरिदिने बताइन्।
उनले भनिन्, ‘यो बाँदरको कारण १५ घरपरिवार त्यहाँबाट बसाइँ सरिसकेका छन्। खेतबारीहरू बाँझै भइरहेको अवस्था छ।’
सरकारले कृषि आधुनिकीकरण गर्ने भनिरहँदा यो बाँदरहरूको व्यवस्था नगर्दासम्म गुल्मीलगायत पहाडी जिल्लाहरूमा समस्या नहट्ने उनले बताइन्।