सूचना तथा प्रविधि मन्त्री गोकुल बाँस्कोटाले केही दिन नेशनल सर्भर ह्याक भएको खुलासा गरेका छन्।
प्रतिनिधिसभाको विकास समिति बैठकमा बाँस्कोटाले केही दिनअघि मात्र पाँच घण्टासम्म ह्याकरको आक्रमणमा परेको बताएका हुन्।
‘अस्ती भर्खरै मात्र पनि पाँच घण्टा राष्ट्रिय सर्भर ह्याक भयो,’ बाँस्कोटाले भने। प्रतिनिधिसभामा सुचना प्रविधि विधेयकमाथिको छलफलको क्रममा उनले दुनिँयाभर साइबर आक्रमण हुने गरेको बताए।
‘यसलाइ साधारण रुपमा बुझ्न हुँदैन,’ बाँस्कोटाले भने।
उनले बैंकिङ र प्रशासनिक क्षेत्रमा पनि प्रभाव पर्न सक्ने बताए। ‘हाम्रो नेशनल सर्भरमा पनि अट्याक हुन सक्छ। हाम्रो सम्पूर्ण व्यवस्थामा पनि अट्याक हुन सक्छ,’ बाँस्कोटाले भने, ‘क्षेप्यास्त्र आएको त देखिदैँन। आएर हानेपछि थाहा हुन्छ,’ बाँस्कोटाले भने।