सिरहा नगरपालिका १७ पटेर्वाबाट प्रहरीले एक थान कटुवा पेस्तोल बरामद गरेको छ।
गस्तीमा रहेको सशस्त्र प्रहरी बल क्याम्प माडरको टोलीले शनिबार विहान चेकजाँचको क्रममा पेस्तोल बरामद गरेको हो।
सशस्त्र प्रहरी निरीक्षक सुरेन्द्रबहादुर शाहीका अनुसार भारतबाट नेपालतर्फ आइरहेको नम्बर नखुलेको मोटरसाइकलमा सवार व्यक्तिले बोकेको पेस्तोल बरामद भएको हो।
‘प्रहरीलाई देखेपछि भारततर्फ भाग्ने क्रममा मोटरसाइकलमा सवार व्यक्तिले कमला नदी किनारमा पेस्तोल फालेर भागे,’ उनले भने।
बरामद गरेको पेस्तोल जिल्ला प्रहरी कार्यालय सिरहा पठाइएको उनले बताए।
(रासस)