नेपाली कांग्रेसका नेता प्रकाशमान सिंहले गुठी विधेयक खारेज गर्नुपर्ने बताएका छन्।
सरकारले विधेयक फिर्ता गरेको घोषणा गरे पनि फिर्ता गरेर मात्रै नपुग्ने उनले बताए। ‘गुठी विधेयक खारेज गर्नुपर्छ,’ सिमरा विमानस्थलमा पत्रकारहरुसँग शनिबार सिंहले भने, ‘गुठीको मुल मर्म र भावना विपरीत सरकारले गुठी विधेयक ल्याएर विथोल्ने काम गर्यो।’
उनले केन्द्र सरकारको असहयोगका कारण प्रदेश र स्थानीय तहमा काम हुन नसकेको बताए। ‘संघीय सरकारले संविधानको भावनाविपरीत प्रदेश र स्थानीय सरकारलाई हस्तक्षेप गरेको छ,’ उनले भने, ‘सरकारको हस्तक्षेपले प्रदेश र स्थानीय तहले खुरुखुरु काम गर्न पाएनन्।’
