नेपाली कांग्रेसले महाधिवेशन प्रतिनिधिका लागि प्रशिक्षण दिने भएको छ।
साउन १६ गतेदेखि दुई दिनसम्म सातै प्रदेशका १२ ठाउँमा प्रशिक्षण चल्ने कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानले जानकारी दिएको छ।
उपसभापति विमलेन्द्र निधिका अनुसार आइतबार बसेको प्रतिष्ठानको बैठकले जगदीशचन्द्र पोखरेलको संयोजकत्वमा पाठ्यक्रम निर्माण समिति गठन गरेको छ।
उक्त समितिमा नेतृ आरजु राणा देउवा, हरिहर विरही, राजु नेपाल र प्रशिश महरा सदस्य छन्।
तारानाथ दाहालको संयोजकत्वमा निर्देशिका निर्माण समिति पनि बनाइएको छ। भद्रा पराजुली भण्डारी र रामजी कङ्ग्रेन सदस्य छन्।
खिलानाथ दाहालको संयोजकत्वमा स्रोत व्यवस्थापन समिति बनाइएको छ।
सुभास पोखरेल, प्रभु बुढाथोकी, भद्रा पराजुली भण्डारी, कमला लामिछाने, भगिरथ पोद्धार र योगराज शर्मा कँडेल सदस्य छन्।
कांग्रेसले आफ्ना पार्टीबाट टिकट पाएर निर्वाचन जितेका स्थानीय तहका प्रमुख र उपप्रमुखलाई पनि साउनभित्रै प्रशिक्षण दिने तयारी गरेको छ।
दोस्रो चरणको राष्ट्रिय जागरण अभियान सुरू हुनुभन्दा अघि नै प्रशिक्षण सकिने कांग्रेसले जनाएको छ।