गण्डकी प्रदेशका मुख्यमन्त्री पृथ्वीसुब्बा गुरूङ बेलायत भ्रमणमा जाने भएका छन्।
प्रदेशको मुख्यमन्त्री तथा मन्त्रिपरिषदको बैठकले भदौ ७ गतेदेखि हुने मुख्यमन्त्रीको भ्रमण कार्यक्रमलाई स्वीकृत गरिसकेको छ।
प्रदेश सरकारका प्रवक्ता रामशरण बस्नेतका अनुसार तमुधिं युकेले गर्न लागेको नेपाली मेलामा सहभागी हुन मुख्यमन्त्री बेलायत जान लागेका हुन्। मुख्यमन्त्री भ्रमणको सम्पूर्ण खर्च आयोजकले नै ब्यहोर्ने बस्नेतले बताए।