प्रमुख प्रतिपक्षी दल नेपाली कांग्रेसले निजामती कर्मचारीहरूको आधिकारिक ट्रेड युनियन खारेज गर्न नहुने बताएको छ।
कांग्रेस संसदीय दलका प्रमुख सचेतक बालकृष्ण खाँणले बुधबार विज्ञप्ति निकालेर राष्ट्रसेवक कर्मचारीको हकहित र संरक्षणका लागि गठन भएको युनियन खारेज गर्न नहुने बताए।
ट्रेड युनियनले आर्थिक र सामाजिक क्षेत्रमा महत्वपूर्ण भूमिका खेल्दै आएको खाँणले उल्लेख गरेका छन्।
‘श्रमिक कर्मचारीहरूको हकहितलाई कुण्ठित गर्ने अभिप्रायले ट्रेड युनियन खारेज गर्न खोज्नु अत्यन्त दु:खद पक्ष हो,’ उनले भनेका छन्, ‘ट्रेड युनियन खारेजसम्बन्धी कुनै पनि प्रस्ताव कांग्रेसलाई स्वीकार्य छैन।’