भारतका पूर्ववित्तमन्त्री तथा भाजपाका वरिष्ठ नेता अरुण जेटली आईसियूमा भर्ना भएका छन् ।
उनी दिल्लीस्थित अखिल भारतीय आयुर्विज्ञान संस्थान -एम्स)को आईसीयूमा भर्ना भएका हुन्।
अस्पतालले हाल उनको स्वास्थ्य अवस्था स्थिर रहेको जनाएको छ। उनलाई शुक्रबार बिहान श्वासप्रश्वासमा समस्या देखिएपछि अस्पताल भर्ना गरिएको हो।
जेटली अस्पताल भर्ना भएपछि प्रधानमन्त्री नरेन्द्र मोदी, स्वास्थ्यमन्त्री हर्षबर्धन उनलाई भेट्न अस्पताल पुगेका थिए ।
मोदी नेतृत्वको पहिलो सरकारमा वित्त मन्त्री रहेका ६६ वर्षीय जेट्लीले मिर्गौला प्रत्यारोपण गराएका छन्, त्यसैले बेलाबेलामा उनको स्वास्थ्यमा समस्या आउने गरेको छ।
