अमेरिकाले ताइवानलाई ८ अर्ब डलर बराबरको एफ १६ लडाकु जहाज बेच्ने भएको छ।
अमेरिका र ताइवानबीच भएको सम्झौतामा ६६ जहाज, ७५ इन्जिन, र अन्य सिस्टमहरू समावेश हुने समाचार संस्था रोयटर्सले जनाएको छ।
चीनले आ-आफ्नो भूभाग दाबी गर्दै आएको ताइवानको सुरक्षामा पनि अमेरिकाले मद्दत गर्ने उक्त सम्झौतामा उल्लेख छ।
चीनले यसअघि नै यो सम्झौताको निन्दा गरिसकेको छ।
यो खरिद सम्झौता ताइवान र अमेरिकाबीचको अहिलेसम्मकै ठूलो व्यापार हो।
ताइवानका राष्ट्रपति साइ इङ-वेनले लडाकु जहाजले ताइवानको हवाइ सुरक्षा सुदृढ हुने बताएकी छन्।
