प्रमुख प्रतिपक्ष दल नेपाली कांग्रेसका महामन्त्री शशांक कोइरालाले निवर्तमान सभामुख कृष्णबहादुर महरामाथि लागेको बलात्कार आरोप घटनाको निष्पक्ष छानबिन हुनुपर्ने बताएका छन्।
मंगलबार राजधानीमा आयोजित एक कार्यक्रममा महामन्त्री कोइरालाले सरकारले निवर्तमान सभामुखमाथि लागेको बलात्कार आरोपको बारेमा छानबिन गरेर निर्णय गर्नुपर्ने बताए।
‘उहाँमाथि लागेको बलात्कारको आरोप गम्भीर मुद्दा हो। यसको निष्पक्ष रूपले छानबिन होस्,’ कोइरालाले भने।
बलात्कारको आरोप लागेका सभामुख महराले मंगलबार नै राजीनामा दिइसकेका छन्।
आज बसेको नेकपा सचिवालय बैठकले महरालाई राजीनामा दिन सुझाएका थिए।
सभामुख महराले आफूलाई कोठामै आएर जबरजस्ती गरेको संघीय संसदमा कार्यरत एक महिलाले आरोप लगाएकी छिन्।