राष्ट्रिय मानव अधिकार आयोगले तत्कालिन सभामुख कृष्णबहादुर महराले संसदकै कर्मचारीलाई बलात्कार गरेको भनिएको घटनाबारे भैरहेको छानविनको अनुगमन गर्ने भएको छ।
आयोगले अनुगमनका लागि तीन सदस्यीय उच्चस्तरिय टोली गठन गरेको छ। त्यस्तै नेपाल प्रहरीसँग हालसम्म गरेका कामकारवाही बारे समेत सूचना माग गरेको छ। आयोगले घटनाबारे सञ्चार माध्यममा आएका समाचार र पत्रकार माथि धम्की आएको घटनाबारे समेत छानविन गरिरहेको जनाएको छ।
तत्कालिन सभामुख कृष्णबहादुर महरा माथि गत असोज १२ गते संघीय संसदमै कार्यरत कर्मचारीलाई बलात्कार गरेको आरोप छ। घटनाबारे प्रहरी अनुसन्धान अगाडि नबढाएपछि मानव अधिकार आयोगले अनुगमन टोली गठन गरि अग्रसरता देखाएको हो। आयोगको टोलीले घटनाको अनुसन्धान माथि नै सुक्ष्म निगरानी गर्नेछ।
