भारतस्थित चेन्नाई महाबलिपुरममा चिनियाँ राष्ट्रपति सी चिनफिङको स्वागत गर्न १८ प्रकारका तरकारी र फलफूलको गेट बनाइएको छ।
उक्त गेट भारतको धार्मिकस्थल पञ्चरथ नजिकै बनाइएको छ। भारतको बागवानी विभागका दुई सय जना कर्मचारीले १० घण्टा लगाएर सो गेट बनाएको भारतीय सञ्चार माध्यमले जनाएका छन्।
शुक्रबार राष्ट्रपति सी र भारतीय प्रधानमन्त्री नरेन्द्र मोदी सोही गेटबाट प्रवेश गर्ने कार्यक्रम छ। त्यस द्वारबाट प्रवेश गर्दै दुई नेताहरू भारतका तीन धार्मिक स्थलमा भ्रमण गर्नेछन्।
भारत भ्रमणपछि सी शनिबार नेपाल आउनेछन्।