सत्तारुढ नेपाल कम्युनिष्ट पार्टी (नेकपा)ले कात्तिक १० गते भित्र उपनिर्वाचन हुने सबै स्थानका उम्मेद्वार सिफारिस गर्न जिल्ला र प्रदेश कमिटीलाई निर्देशन दिएको छ।
नेकपाका प्रवक्ता नारायण काजी श्रेष्ठका अनुसार बालुवाटारमा बसेको सचिवालय बैठकले प्रतिनिधि सभाको उम्मेद्वारको हकमा 'सम्बन्धित निर्वाचन क्षेत्र स्तरको कमिटी र जिल्ला कमिटीको परामर्शमा प्रदेश कमिटीले ३ जनाको नाम कात्तिक १० गते भित्र सिफारिस गर्ने' निर्णय गरेको हो।
त्यस्तै प्रदेश सभाको हकमा पनि उम्मेद्वारको टुङ्गो केन्द्रले लगाउनेछ।
आगामी मंसिर १४ गते कास्की क्षेत्र नं २ मा प्रतिनिधि सभाको उपनिर्वाचन हुदैँछ। त्यस्तै रिक्त तीन प्रदेश सभा सिटमा पनि निर्वाचन हुदैँछ। गाँउपालिका र नगरिपालिका सहित गरेर उक्क दिन ३७ जिल्लाका ५१ पदमा निर्वाचनमा हुदैँछ।
नेकपाले गाउँ र नगर कमिटीको उम्मेदेवार टुङ्गो लगाउने जिम्मा भने प्रदेश कमिटीलाई दिएको छ। वडा अध्यक्षको रिक्त पदमा हुने निर्वाचनको उम्मेद्वार जिल्ला कमिटीले लगाउनेछ।
त्यस्तै नेकपा सचिवालय बैठकले पार्टीको संगठन विभागमा तीन सदस्य थप गरेको छ। संगठन विभागमा यसअघि प्रमुख वामदेव गौतम र उपप्रमुख जनार्दन मात्र थिए। सचिवालय बैठकले अष्टलक्ष्मी शाक्य, भानुभक्त ढकाल र हरि अधिकारीलाई संगठन विभागमा थप गर्ने निर्णय गरेको हो।
