पूर्वप्रधानमन्त्री एवं समाजवादी पार्टी नेपालका अध्यक्ष बाबुराम भट्टराईले सीमा विवाद कूटनीतिक तवरले नै सुल्झाउनुपर्ने सुझाव दिएका छन्।
प्रधानमन्त्रीले शनिबार बोलाएको सर्वपक्षीय बैठकमा सहभागी भएर बाहिरिएका भट्टराईले बालुवाटारमा पत्रकारहरूसँग भने, ‘लिपुलेक, कालापानी हाम्रो भूमि हो। सरकारले कुटनीतिक तवरले नै सीमा विवादहरू हल गर्नुपर्छ।’
भट्टराई डेढ घण्टा बैठकमा सहभागी रहेर बाहिरिएका हुन्।
भारतले हालै जारी गरेको राजनीतिक नक्सामा नेपालका भूमि लिपुलेक, कालापानी समावेश गरेपछि नेपालमा विरोध भइराखेको छ। भारतले भने नेपालका भूमि नक्सामा समावेश नगरेको प्रष्टिकरण दिएको छ।