सभामुख निर्वाचनमा सत्तारूढ नेपाल कम्युनिष्ट पार्टी नेकपालाई समर्थन गरेको राष्ट्रिय जनता पार्टी नेपालले उपसभामुखमा आफ्नो पार्टीले दाबी नगरेको बताएका छन्।
सभामुखमा अग्निप्रसाद सापकोटालाई राजपा सांसद लक्ष्मणलाल कर्णले समर्थन गरेका थिए।
सापकोटा आइतबार निर्विरोध सभामुख भए। संसद भवनमा पत्रकारहरूसँग राजपा अध्यक्ष मण्डलका एक सदस्यसमेत रहेका सांसद राजेन्द्र महतोले अहिलेसम्म उपसभामुखबारे नेकपासँग कुनै छलफल नै नभएको दाबी गरे।
‘संसदमा नेकपाको बहुमत छ, उसले जसलाई समर्थन गर्यो त्यही उपसभामुख हुन्छ,’ उनले भने, ‘नेकपाले हामीलाई दियो भने धन्यवाद दिऔंला।’
उपसभामुख निर्वाचन प्रक्रिया भने सुरू भएको छैन।