नेपाल कम्युनिष्ट पार्टी (नेकपा) को बुधबार बस्ने केन्द्रीय कमिटी बैठकमा प्रधानमन्त्री एवं पार्टीका अध्यक्ष केपी शर्मा ओलीले सम्बोधन गर्ने भएका छन्।
बैठकमा अर्का अध्यक्ष पुष्पकमल दाहालले राजनीतिक प्रतिवेदन पेश गर्ने प्रवक्ता नारायणकाजी श्रेष्ठले जानकारी दिए।
राष्ट्रियसभामा बिहान ११ बजेबाट सुरू हुने बैठकमा महासचिव विष्णु पौडेलले सांगठनिक प्रतिवेदन र विधान संशोधन प्रस्ताव पेश गर्ने भएका छन्।
बैठकमा सातवटै प्रदेशका प्रदेश अध्यक्षहरूले आफ्नो प्रदेशको सांगठनिक रिपोर्ट प्रस्तुत गर्ने भएका छन्। साथै पार्टीको महाधिवेशनबारे पनि बैठकमा छलफल हुने भएको छ।
केन्द्रीय कमिटी बैठकमा छलफल हुने एजेन्डा तय गर्न मंगलबार सचिवालयको बैठक बसेको थियो।
यसअगाडि बसेको स्थायी कमिटी बैठकमा प्रधानमन्त्री ओली सहभागी थिएनन्। ओली अनुपस्थित भएपछि दाहाल एक्लैले राजनीतिक प्रतिवेदन पेश गरेका थिए।