प्रधानमन्त्रीलाई दवाव दिन एक लाख पत्र संकलनको कार्य सुरू भएको छ।
बुधबार धनगढी उपमहानगरपालिकास्थित खुलामञ्चमा भएको विश्व साहित्य सम्मेलनबाट बोलन्या थलीको आयोजनामा पश्चिम सेती निर्माणमा दवाव दिन एक लाख पत्र संकलन गरी बुझाउने कार्य सुरू भएको हो।
उक्त विश्व साहित्य सम्मेलनको उद्घाटन राष्ट्रपति विद्यादेवी भण्डारीले गरेकी हुन्। बुधबार ४ बजेसम्म उक्त कार्यक्रममा १ हजार ४ सय भन्दा बढी पत्र संकलन भइसकेको बोलन्या थलीका संयोजक यादव जोशीले बताएका छन्।
कार्यक्रममा ७५० मेगावाटको पश्चिम सेती जलविद्युत बनाउन सरकारलाई दवाव दिन यस्तो कार्यक्रमको आयोजना गरिएको हो।
यसअघि पनि पश्चिम सेती निर्माण गर्न बोलन्या थलीले विभिन्न किसिमका कार्यक्रम गर्दै आएको छ। बोलन्या थलीले काठमाडौंको माइतिघर मण्डलामा कचौरा जुलुस, सांगीतिक कार्यक्रम, छलफल कार्यक्रमहरु सञ्चालन गर्दै आएको छ।