सरकारका प्रवक्ता युवराज खतिवडाले कर्फ्यू लगाउने तयारीमा सरकार नरहेको बताएका छन्।
कोरोना रोकथाम तथा नियन्त्रण समितिको मंगलबार बसेको बैठकपछि पत्रकारहरूसँग कुराकानी गर्दै मन्त्री खतिवडाले जनतालाई अनावश्यक दु:ख दिने काम सरकारले नगर्ने बताए।
लक डाउन उल्लंघन भइरहेका छन् कर्फ्यू लगाउने तयारी के छ? भन्ने प्रश्नमा मन्त्री खतिवडाले भने, ‘जनतालाई सुरक्षित राख्न लक डाउन गरेको हो, अनावश्यक दु:ख दिने कुरा होइन। कर्फ्यू लाग्ने अवस्था छैन।’
भीडभाडले कोरोना भाइरस संक्रमण जोखिम बढाउने भएकोले लकडाउन गरेको उनले बताए।
मन्त्री खतिवडाले चीन र भारत दुबै छिमेकी देशबाट मेडिकल सामग्री अर्थ मन्त्रालयको समन्वयमा ल्याउने तयारी भइरहेको पनि जानकारी दिए।