दक्षिण अफ्रिकामा कोरोना भाइरसको संक्रमण बढेपछि २१ दिनका लागि लकडाउन गरिएको छ।
मंगलबारसम्म कोरोना संक्रमितको संख्या ५ सय ५४ जना पुगेसँगै बिहीबार मध्यराति देखि २१ दिनका लागि लकडाउन गरिएको हो।
राष्ट्रपति साइरिल रामाफोसाले सोमबार देशवासीको नाममा सम्बोधन गर्दै बिहिबार देखि २१ दिनसम्मका लागि लकडाउन गर्ने घोषणा गरेका हुन्।
सब-सहारन अफ्रिकामा सबैभन्दा कोरोना भाइरस संक्रमित बिरामीहरू दक्षिण अफ्रिकामै रहेको बताइएको छ।
स्वास्थ्यसेवासम्बन्धी अधिकारीहरूले कोरोना भाइरसको ल्याव टेष्ट गर्ने क्षमता बढाउन काम गरिरहेका छन्। त्यहाँका स्वास्थ्य मन्त्रालयका अनुसार अहिलेसम्म कसैको मृत्यु भइनसकेको तर दुई जना आइसियुमा छन्। त्यहाँका कृषिमन्त्री थोको डिडिजाले सरकारले जारी गरेको लकडाउनले खाद्यमा असर नपर्ने बताएका छन्।