जापानी प्रधानमन्त्री सिन्जो आबेले आफ्ना सात प्रान्तमा आपतकालीन अवस्थाको घोषणा गर्ने भएका छन्।
टोकियो, कानागावा, चिवा, ओसाका, ह्योगो र फुकुओकामा आपतकालीन अवस्था घोषणा गर्ने निर्णय भएको उनले बताएका छन्। घोषणा भने मंगलबार गर्ने तयारी भएको छ।
उनले आपतकालीन अवस्थाको घोषणा गरेपनि लकडाउन भने नगर्ने बताएका छन्।
'हामीले आपतकालीन अवस्था घोषणा गरेपनि ती शहरहरूमा लकडाउन गर्दैनौं र मलाई लाग्दैन कि त्यो आवस्यक छ', आबेले पत्रकारहरूलाई भने , 'हामी सकेसम्म आर्थिक गतिविधि कायम राख्नुका साथै भाइरसको फैलावट रोक्ने प्रयासलाई अगाडि बढाउनेछौं।'
साथै प्रधानमन्त्री आबेले देशको अर्थतन्त्र उकास्नका लागि १०८ ट्रिलियन येनको प्याकेज स्वीकृत गरिसकेका छन्।
जापानमा कोरोनाभाइरसको संक्रमणबाट ७३ जनाको मृत्यु भइसकेको छ भने ३५ सय भन्दा बढी संक्रमित छन्।