अमेरिकी राष्ट्रपति डोनाल्ड ट्रम्पले मगंलबार विश्व स्वास्थ्य संगठनको तीव्र आलोचना गरेका छन्।
उनले स्वास्थ्य संगठन चीनमा अत्यन्त केन्द्रित रहेको र नयाँ कोरोना भाइरस प्रकोपको समयमा खराब सल्लाह जारी गरेको आरोप लगाएका छन्।
उनले एजेन्सीलाई अमेरिकी कोष समेत रोक्ने चेतावनी दिएका छन्।
राष्ट्रपति ट्रम्पले आफ्नो ट्वीटरमार्फत् आक्रोश पोखेका छन्। उनले स्वास्थ्य संगठनले अमेरिकालाई नराम्रो सल्लाह दिएको आरोपमा लगाएका हुन्।
ट्रम्पले संगठनको पूर्वसल्लाह अस्वीकार गरेर चीनसँगको नाका बन्द गरेकोमा भाग्यवस् ठानेका छन्।
‘उनीहरूले यसलाई गलत भनेका छन्,’ राष्ट्रपति ट्रम्पले मगंलबार वाइट हाउसमा भनेका थिए, ‘तर अब हामी संगठनलाई दिँदै आइरहेको कोष कटौती गर्नेछौं। यसले ठूलो क्षति पुग्छ, परिणाम नियाल्ने छौं।’
संयुक्त राज्यका प्रवक्ता स्टेफेन डुज्यारिकले पनि ट्रम्पको आलोचना अस्वीकार गरेका छन्।
उनका अनुसार संगठनले डिरेक्टर जेनरल ट्रेडस एड्हानोमको नेतृत्वमा कोरोनाको महामारीमा विभिन्न देशलाई ठूलो सहयोग पुर्याउँदैछ।
उनले भनेका छन्, ‘विभिन्न देशहरूमा लाखौं उपकरण सहयोग गर्दै आइरहेका छौं। विश्वव्यापी दिशानिर्देशकहरू देखाउने सन्दर्भमा संगठनले अन्तर्राष्ट्रिय स्वास्थ्य प्रणालीको शक्ति देखाउँदै छ,’ उनले थप भनेका छन्‘कि संगठनले हालसालै संक्रामक र घातक रोगहरूसँग लड्न सफलतापूर्वक आफ्नो स्टाफहरू अग्रस्थानमा राखेर प्रशंसायोग्य काम गरेका छन्।’
राष्ट्रपति ट्रम्पले मगंलबार अमेरिकी स्वास्थ्य तथा मानव सेवा विभागका महानिरीक्षकलाई समेत आरोप लगाएका छन्।
ट्रम्पले महानिरीक्षकलाई कोरोनाभाइरस प्रकोपको अग्रबिन्दुमा व्यक्तिगत सुरक्षा उपकरणको अभावले अमेरिकी अस्पतालहरूमा नक्कली कागजी उत्पादन गरेको आरोप लगाएका हुन्।
