प्रमुख प्रतिपक्षी नेपाली कांग्रेसले रूकुम पश्चिम चौरजहारी नगरपालिका-८ मा भएको घटनाबारे गृहमन्त्रीको जवाफ मागेको छ।
मंगलबार संसदमा कांग्रेस सांसद मीन विश्वकर्माले अन्तरजातीय प्रेम सम्बन्धकै कारण जाजरकोटका नवराज विकको हत्या भएको र अरू दुईको मृत्यु तथा ३ जना बेपत्ता भएकोबारे गृहमन्त्रीको जवाफ मागेका हुन्।
बैठक सुरू हुनेबित्तिकै कांग्रेस सांसदले उठेर विरोध गरेका थिए। लगत्तै विश्वकर्माले घटनाबारे गृहमन्त्रीको जवाफ माग गर्दै संसदीय छानबिन समिति गठन गर्न माग गरे।
गत जेठ १० गते रूकुम पश्चिमको चौरजहारीमा प्रमिकाको घर पुगेका विकसहितलाई गाउँहरूले कुटपिट गरि हत्या गरेको आरोप छ।