प्रमुख प्रतिपक्षी नेपाली कांग्रेसका सांसद प्रकाशमान सिंहले कोरोना महामारीमा सेना परिचालन गर्ने सरकारको निर्णयको विरोध गरेका छन्।
प्रतिनिधिसभा संसद बैठकमा आइतबार बोल्दै सांसद सिंहले नागरिक सरकारले गर्नुपर्ने काम सेनालाई जिम्मा दिने सरकारको निर्णय बेठीक भएको बताए।
गृह मन्त्रालय अन्तर्गत रहेको विपद व्यवस्थापन समिति, स्वास्थ्य मन्त्रालयलगायतले कोरोना महामारीमा रोकथाम तथा नियन्त्रणमा काम गर्नुपर्ने सिंहको भनाइ छ।
सांसद सिंहले प्रधानमन्त्रीले कोरोना महामारी नियन्त्रण तथा रोकथाममा प्राथमिकताका साथ ध्यान नदिएको आरोप लगाए।
स्वास्थ्य सामग्री खरिदमा भएको अनियमितता ढाकछोप गर्ने काममा प्रधानमन्त्री लागेको उनको भनाइ छ।
