नेपाली कांग्रेसका सांसद ज्ञानकुमारी छन्त्यालको निधनमा शोक प्रस्ताव पारित गर्दै प्रतिनिधिसभा र राष्ट्रियसभाका दुवै बैठक स्थगित भएका छन्।
दिउँसो १ बजेका लागि बोलाइएकाे दुवै बैठक कांग्रेस सांसद छन्त्यालको निधनमा शोक प्रस्ताव पारित गर्दै स्थगित भएको हो। २०७४ सालमा नेपाली कांग्रेसको तर्फबाट समानुपातिक निर्वाचित छन्त्यालको आज निधन भएको हाे।
मुटुसम्वन्धी पीडित उनको गंगालाल राष्ट्रिय हृदयरोग केन्द्रमा उपचारका क्रममा आज निधन भएको हो। बाग्लुङको तमानखोला ५ मा जन्मिएकी छन्त्याल ढोरपाटन नगरपालिका १ बुर्तिवाङमा बस्दै आएकी थिइन्।
प्रतिनिधिसभाको अर्को बैठक असार २२ गते १ बजेसम्मका लागि स्थगित भएको सभामुख अग्निप्रसाद सापकोटाले बताए।
यस्तै सांसद छन्त्यालको निधनमा शोक प्रस्ताव पारित गर्दै राष्ट्रियसभाकाे बैठक स्थगित भएको राष्ट्रियसभा अध्यक्ष गणेशप्रसाद तिमल्सिनाले बताए।
