सरकारले हवाई उडान र लामो दुरीका यातायातलाई भदौ मसान्तसम्मका लागि रोक लगाएको छ।
सोमबार बसेको मन्त्रिपरिषद बैठकले कोरोना संक्रमण बढेकाले हवाई उडान र लामो दुरीका यातायात स्थगित गर्ने निर्णय गरेको एक मन्त्रीले सेतोपाटीलाई बताए।
'अब लगभग पहिलाको जस्तै हुन्छ। लकडाउनको नाम नदिइएको मात्रै हो,' ती मन्त्रीले भने, 'कार्यालयमा पनि पचास प्रतिशत मात्रै कार्मचारी राखेर काम गर्न भनिएको छ। उद्दार उडानबाहेक अरू उडान हुँदैनन्। काठमाडौं आउने सबै नाका बन्द गरिने भएको छ।'
ती मन्त्रीका अनुसार काठमाडौंमा भेला-समारोहमा पनि रोक लगाइएको छ। जात्रा-मेलाहरू पनि रोकिएको उनले बताए।
