राजसंस्था पुन: स्थापना माग गर्दै बिहीबार सुर्खेतमा प्रदर्शन गरिएको छ।
प्रदेश राजधानी रहेको वीरेन्द्रनगरमा हिन्दु राष्ट्र राजसंस्था पुनर्स्थापना संघर्ष समितिले प्रदर्शन गरेको हो।
समितिले निकालेको नाराजुलु सहितको र्याली वीरेन्द्रनगर बजार परिक्रमा गरी पिपलचौतारामा कोणसभामा परिणत भएको थियो। मोटरसाइकल सहितको र्याली वीरेन्द्रनगरस्थित कालुङचोकबाट सुरू भएको हो।
प्रदर्शनमा सहभागीले पूर्वराजा ज्ञानेन्द्र शाहको तस्वीर अंकित प्लेकार्ड समेत बोकेका थिए।
‘राजा आऊ, देश बचाऊ’, ‘गणतन्त्र चाहिँदैन, देश बेच्न पाइँदैन’ लगायतका नारा प्रदर्शनका क्रममा लगाइएको थियो।
