प्रतिनिधि सभा विघटनको मुद्दामा सर्वोच्च अदालतको संवैधानिक इजलासमा निरन्तर सुनुवाइ भइरहेको छ।
प्रतिनिधि सभा विघटनविरूद्ध रिट निवेदकका तर्फबाट साढे ३ सय वकिलले बहसका लागि निवेदन दिएका छन्।
एउटै वकिलले लामो समय बहस गरेपछि सोमबारको इजलासमा न्यायाधीशले छोटोमा आफ्नो कुरा सक्न भनेका छन्।
सोमबारको इजलासमा अधिवक्ता दिनमणि नेपालले बिहानैदेखि बहस गरेका थिए। खाजा समयपछि पनि उनको बहस जारी छ।
खाजा समयपछि न्यायाधीश अनिल सिन्हाले भने- साढे ३ सय जति निवेदन छन्। यस्तो अवस्था नआओस् - सुनुवाइ गर्दागर्दै निर्वाचन तयारी भैसकेको हुनाले अब केही गर्नु परेन भन्नु परोस्। समय म्यानेज गर्नुहोला। हामी रोक्दैनौँ।
अदाललते वकिलहरूलाई बहसको समयमा पावन्दी लगाएको छैन। तर समयको ख्याल गर्न भनेको छ।