परराष्ट्र मन्त्री एवम् नेकपा ओली समूहका प्रवक्ता प्रदीप ज्ञवालीले संसद विघटन बदर गर्ने सर्वोच्च अदालतको फैसललाई सम्मान गर्ने बताएका छन्।
मंगलबार साँझ सेतोपाटीसँग संक्षिप्त कुराकानी गर्दै मन्त्री ज्ञवालीले आफूहरूको अपेक्षाविपरीत फैसला आएको भए पनि यसलाई स्वीकार्ने बताए।
‘मैले पूर्णपाठ त हेरेको छैन। प्रारम्भिक प्रतिक्रिया भन्नुपर्दा यो अपेक्षित थिएन,’ उनले भने, ‘फेरि पनि स्वतन्त्र न्यायपालिकामा विश्वास गर्ने पार्टी र सरकार हुनुको नाताले हामी यसलाई सम्मान गर्छौ। अहिलेलाई मैले यत्ति भनें।’