नेपाली कांग्रेसका नेता गोपालमान श्रेष्ठ नर्भिक अस्पतालमा उपचार गराइरहेका छन्।
शरीरमा अक्सिजनको मात्रा कम भएपछि आइतबारदेखि उनी नर्भिक अस्पतालमा चिकित्सकहरूको निगरानीमा छन्।
यसैबीच श्रेष्ठलाई सोमबार कांग्रेस नेता शेखर कोइरालाले भेटेका छन्। अस्पताल पुगेर कोइरालाले श्रेष्ठको स्वास्थ्य अवस्थाबारे जानकारी दिएका थिए।
श्रेष्ठका परिवारका एक सदस्यका अनुसार अप्ठ्यारो महशुस गरेपछि अस्पताल लगेर परीक्षण गर्दा शरीरमा अक्सिजनको मात्रा कम देखिएको थियो।
