लुम्बिनी प्रदेशका प्रदेश प्रमुख धर्मनाथ यादवले अहिले अधिवेशन आह्वान गर्न नमिल्ने बताएका छन्।
प्रदेश प्रमुख यादवले संविधानको धारा १८८ को उपधारा ४ को प्रतिबन्धात्मक वाक्यांश बमोजिम अहिले अधिवेशन आह्वान गर्न नमिल्ने बताएका हुन्।
नेपाली कांग्रेस, नेकपा माओवादी केन्द्र, जनता समाजवादी पार्टीको उपेन्द्र यादव- बाबुराम भट्टराई पक्षधर र जनमोर्चाको गठबन्धनले मुख्यमन्त्री शंकर पोखरेलविरूद्ध दोस्रो पटक २६ वैशाखमा विशेष अधिवेशनको माग गर्दै प्रदेश प्रमुखलाई निवेदन दिएका थिए।
मुख्यमन्त्री पोखरेलविरूद्ध ६ वैशाखमा दर्ता भएको अविश्वास प्रस्तावको फेस नगरी मुख्यमन्त्रीले राजीनामा दिएपछि विपक्षी गठबन्धनले दोस्रो पटक अविश्वासको प्रस्ताव दर्ता गरेका थिए।
प्रदेश प्रमुख यादवले सभामुखलाई पठाएको पत्रमा अविश्वास प्रस्ताव असफल भइसकेको उल्लेख गरेका छन्।