नेकपा एमालेका वरिष्ठ नेता माधवकुमार नेपालले अब सम्मानजनक रुपमा पार्टी एकताको पक्षमा लाग्नुपर्ने बताएका छन्।
आज बसेको आफूनिकट स्थायी समिति बैठकमा नेपालले सम्मानजनक एकताको पक्षमा लाग्नुपर्ने बताएका हुन्।
नेता नेपालले बैठकमा पार्टी एकता नै अब आफूहरुका लागि पहिलो प्राथमिकता हुने बताएको नेता युवराज ज्ञवालीले जानकारी दिए।
एकअर्कालाई आरोप–प्रत्यारोप नगरी पार्टी एकतामा लाग्नुपर्नेमा नेपालले जोड दिए। बैठकमा उनले १० बुँदे प्रस्तावको प्रसंग भने उल्लेख गरेनन्। पार्टीको एकता कायम राख्न सजग हुनुपर्नेमा उनले जोड दिए।
