नेपाली कांग्रेसका वरिष्ठ नेता रामचन्द्र पौडेलले विपदमा सरकार भएको आभास दिने गरी काम गर्न आग्रह गरेका छन्।
पौडेलले विपदमा परेका नागरिकलाई मुलुकमा सरकार भएको आभास दिने गरी काम गर्न प्रधानमन्त्री शेरबहादुर देउवालाई आग्रह गरेका हुन्।
बेमौसमी वर्षाले देशका विभिन्न जिल्लामा बाढीपहिरोले जनजीवन अस्तव्यस्त बनाएको भन्दै उद्धार र राहतमा पनि जोड दिएका छन्।
जनधनको क्षति भएको भन्दै उनले सरकारले आफ्नो सम्पूर्ण ध्यान तत्काल उद्धार र राहतका लागि केन्द्रित गर्नुपर्ने पनि उनले बताए।
पाकेको धानबाली बाढीले नष्ट गरेकोले किसानलाई राहत दिन पनि पौडेलको माग छ।