नेपाली कांग्रेसका केन्द्रीय सदस्य रमेश लेखकले कञ्चनपुरका बाढीपहिरो र डुवान पीडितसँग छलफल गरेका छन्।
दोधरा चाँदनी र भिमदत्त नगरपालिका क्षेत्रमा पुगेर आइतबार उनले बाढीपहिरो तथा डुवानले पुर्याएका क्षतिको निरीक्षण गरेका हुन्।
नेता लेखकसँग दोधरा चाँदनी ८, ९ र १० का बासिन्दाले तत्काल राहतका लागि पहल गरिदिन आग्रह गरेका थिए।
साथै महाकाली नदीमा बाँध निर्माण भएको ठाउँमा बाँधको उचाइ बढाउन पनि उनीहरूले माग गरेका छन्।
दोधरा चाँदनी नगरपालिकाका करिब ३ सय परिवार घरबारविहीन भएर सरकारी विद्यालयमा बसेका छन्।
प्रधानमन्त्री शेरबहादुर देउवाले पनि यस क्षेत्रको निरीक्षण गरिसकेका छन्। नेता लेखकले बाढीपहिरो र डुवानले क्षति पुर्याएका संरचना पुनर्निर्माण गरिने पनि बताए।
