नेपाली कांग्रेसका नेता विमलेन्द्र निधि र भारतको महारास्ट्र प्रदेशका पूर्वमुख्यमन्त्री एवं राष्ट्रवादी कांग्रेसका अध्यक्ष शरद पवारबीच भेटघाट भएको छ।
नयाँदिल्लीस्थित पवार निवासमा भएको भेटमा नेपालको विकास तथा नेपाल-भारत सहयोगका विषयमा कुराकानी भएको थियो।
निधि र पवारबीच कृषि र सहकारी तथा नेपाल भारत सम्बन्ध र विकास लगायतका विषयमा कुराकानी भएको थियो।
तीन कार्यकाल महाराष्ट्रका मुख्यमन्त्री भइसकेका पवार कृषि र सहकारीका अभियन्ता पनि हुन्। आधुनिक कृषिमा महाराष्ट्रको मोडल सह्रानीय मानिन्छ।
निधिसँगको भेटमा पवारले नेपालमा कृषिका विद्यार्थीलाई उनको गृहनगर बारामतीमा कृषि र सहकारीको अध्ययनका लागि निम्तो दिएका छन्।
निम्तोका लागि धन्यवाद दिँदै निधिले निकट भविष्यमा नेपाली विद्यार्थीलाई अध्ययन भ्रमण गराउने बताएका छन्।
यसैबीच निधि र भारतका अर्थराज्यमन्त्री पंकज चौधरीबीच नयाँदिल्लीमा भेटघाट भएको छ।
मन्त्री चौधरीको निवासमा भएको भेटमा नेपाल-भारत सम्बन्ध र द्विपक्षीय हितबारे कुराकानी भएको थियो।
