राष्ट्रिय जनमोर्चा पार्टीका अध्यक्ष चित्रबहादुर केसीले नेपालमा अहिले पनि पितृसत्तात्मक सोच हाबी भएको बताएका छन्।
महिलाहरूलाई अहिले पनि दोस्रो दर्जाकै रूपमा मान्ने चलन रहेको उनले बताए।
अहिलेको उपसभामुख उम्मेदवारलाई सभामुखको बनाउनु पर्ने उनको भनाइ थियो।
'यहाँ सम्बन्धित पार्टीका मान्छेका कुरा सुन्दा त उहाँहरू सभामुखको उम्मेदवारजस्तो देखें मैले त। पार्टीहरूले यति सारै बयान गर्नेले सभामुखको उम्मेदवार किन बनाउनु भएन?', शनिबार प्रतिनिधिसभा बैठकमा उनले भने, 'के भो यस्तो। यो के भयो भने अहिले पनि नेपाल पितृसत्तात्मक मुलुक हो।'
अहिले जतिसुकै काउलो लगाए नि उनीहरूलाई सभामुखको उम्मेदवार बनाउनु पर्ने उनको भनाइ थियो।
कमसेकम दुई महिला नै उपसभामुख उम्मेदवार भएको भन्दै उनले खुसी व्यक्त गरे।
अहिले जति पनि उपसभामुख उम्मेदवारको बखान कृत्रिम भएको उनले आरोप लगाए।
'अहिले उपसभामुखका जो बखान भएको छ, तारिफ भएको छ। त्यो कृत्रिम बखान हो। उपसभामुखको आखिर अधिकार हुन्छ के! हामी देखेका छैनौं! नयाँ आएकालाई त केही भएन', उनले भने।