राष्ट्रिय सभा उपाध्यक्षको निर्वाचन माघ २३ गते हुने भएको छ।
राष्ट्रिय सभाका अध्यक्ष गणेशप्रसाद तिमल्सिनाले सभाको उपाध्यक्षको निर्वाचन माघ २३ गते सोमबार बिहान ११ बजेर ५९ मिनेटमा गर्ने गरी तोकेका हुन्।
अध्यक्ष तिमल्सिनाले निर्वाचनको कार्यतालिका सार्वजनिक गर्न संघीय संसद सचिवालयका महासचिव भरत गौतमलाई निर्देशन समेत दिएका छन्।
राष्ट्रिय सभाको उपाध्यक्ष एक वर्षदेखि रिक्त छ। राष्ट्रिय सभाकी उपाध्यक्ष शशिकला दाहालको गत वर्ष फागुन २१ गते कार्यकाल सकिएको थियो।
