स्ववियु चुनावमा अहिलेसम्म कहाँ कसले जिते? (सूची)

अखिल क्रान्तिकारीले ३६, अनेरास्वियुले २० र नेविसंघले १७ स्थानमा जितेको छ

सेतोपाटी संवाददाता

काठमाडौं, चैत ५

त्रिभुवन विश्वविद्यालयसहित आंगिक र सम्बन्धन प्राप्त क्याम्पसहरूमा आइतबार स्ववियु चुनाव भएको छ। बिहान ८ अपराह्न ४ बजेसम्म विद्यार्थी (मतदाता) ले प्रतिनिधि चयनका लागि मतदान गर्ने समय दिइएको थियो।

दुई आंगिक क्याम्पससहित केही सम्बन्धन प्राप्त क्याम्पसमा विद्यार्थी संगठनको सहमतिमा स्ववियु कार्यसमिति चयन गरिएका थिए। काठमाडौं उपत्यकाभित्र भने सत्ता गठबन्धन दलका भ्रातृ विद्यार्थी संगठनले गठबन्धन गरेर क्याम्पसहरू भागबन्डा गरी उम्मेदवार उठाएका छन्।

उपत्यकाबाहिर भने केही क्याम्पसबाहेक अन्यत्र विद्यार्थी संगठनहरूबीच एक्लाएक्लै प्रतिस्पर्धा पनि छ। केही क्याम्पसमा निर्विरोध सभापति निर्वाचित भएका छन् भने केही स्थानमा विवाद भएर हुन सकेन।

काठमाडौं उपत्यकाभित्रका ७ क्याम्पसमा आइतबार चुनाव हुन सकेन। काठमाडौंको त्रिचन्द्र क्याम्पस, अमृत साइन्स क्याम्पस (अस्कल) प्रदर्शनीमार्गस्थित रत्नराज्य र विश्वभाषा, नेपाल कमर्स क्याम्पस मीनभवन, कीर्तिपुरस्थित आयुर्वेद क्याम्पस र ललितपुरको पाटन क्याम्पसमा स्ववियु चुनाव नभएको हो।

काठमाडौं उपत्यका बाहिर केही क्याम्पसमा विवाद हुँदा स्ववियु चुनाव स्थगित पनि भएका छन्।

त्रिवि स्ववियु निर्वाचन केन्द्रीय अनुगमन तथा समन्वय समितिका सदस्य सचिव प्रा. पशुपति अधिकारीका अनुसार छिटपुट घटनाबाहेक शान्तिपूर्वक नै स्ववियु चुनाव सकिएको छ।

स्ववियु चुनावमा ६० प्रतिशत विद्यार्थीले मतदान गरेका उनले जानकारी दिए। चुनाव रोकिएका क्याम्पसहरूमा भने आपसी समझदारीमा मिति तोकेर पछि चुनाव हुनेछ।

हेर्नुहोस् अहिलेसम्म कहाँ कसले जिते?

नेविसंघ

नेविसंघ कार्यालय सचिव विजय खड्काका अनुसार चुनाव भएका ठाउँको अहिलेसम्म आएको नतिजाअनुसार १७ ठाउँमा नेविसंघले जितेको छ।