शिशु अपहरणमा संलग्नलाई प्रहरीले नियन्त्रणमा लिएको छ। मंगलबार झापाको शिवसतासीबाट अपहरण गर्ने तीनलाई प्रहरीले नियन्त्रणमा लिएको हो।
सुत्केरी खान आएकी मनिका कन्दङवाको १ महिना २६ दिनको छोरो हेमराज कन्दङवालाई सुतिरहेको अवस्थामा अपरहण गरेका थिए। अपहरणमा संलग्न १७ वर्षीय सरु तामाङलाई पक्राउ गरेसँगै त्यसैमा सलग्न ३३ वर्षीय शेरबहादुर लिम्बु र उनको भाइ २६ वर्षीय सुरेन लिम्बुलाई पक्राउ गरेको हो। बच्चालाई प्रहरीले सकुशल उद्दार गर्न सफल भएको छ।
अपहरणको खबर पाउनासाथ ईलाका प्रहरी कार्यालय झिलझिलेबाट प्रहरी निरीक्षक बिनोद निरौलाको कमाण्डमा खटिएको टोलीले खोजतलास गर्दा धरमपुर ५ बाट अपरहणमुक्त गरेको हो। पक्राउ परेका तीन जनालाई आवश्यक कार्वाहिको लागी ईलाका प्रहरी कार्यालय झिलझिलेको नियन्त्रणमा रखिएको छ।
