मुसिकोट खलंगा बहुमुखी क्याम्पसमा बिएड प्रथम वर्षमा अध्ययरत शारदा शर्मा हात खुट्टा टेक्दै बिहानै क्याम्पस जान्छीन्।
उनका खुट्टाले काम गदैनन्। उनी जन्मजात अपांग हुन। आज भोलि त उनी भविस्यमा खरदार बन्ने लक्ष्य बोकेर लोक सेवा तयारी कक्षामा पनि जान्छिन्।
जन्मजात दुवै खुट्टा नचलेपछि शारदालाई हिड्न मिल्दैन। रूकुम खोलागाँउ ७ कि २२ वर्षीया शारदा शर्मा पुष माघको कठ्याङ्रिदो जाडोसँगै झिसमिसे बिहानमा दुई हातमा चप्पल लगाएर हात खुट्टा टेक्दै क्याम्पस पुग्छिन्।
क्याम्पसबाट आएर फेरि खाना खाइवरी उनी लोकसेवाको ट्यूसनसमेत लिन भ्याउछिन उनको जीवनको एउटा लक्ष्य छ आफू पढ्दा लागेको खर्च स्थायी जागिर खाएर चुक्ता गर्ने। शारदा पढाइमा पनि अति मेहनती छात्रा हुन। तर, उनलाई आर्थिक समस्याले सताएको छ। उनको सपना पुरा हुनलाई आर्थिक सहयोग चाहिन्छ।
उनी गाउँको हिमालय उच्च मावि खोलागाउँमा पढन आउँदा पनि दैनिक चार घन्टा हात टेकेर घिसि्रदै बिद्यालय आउछीन्।
गरिब परिवारमा हुर्केकी शारदाको घरमा बुवा पनि शारदा जस्तै अपांग छन्। आफू जे जस्तो भएपनि छोरीको भबिस्य राम्रो होस भन्दै सकीनसकि बुवा खीमलाल शर्माले गाउँमा ज्यालादारी काम गर्छन्।
उनका चार छोरा र दुई छोरी छन्। छोराहरू सबै आर्थिक अवस्था कमजोर भएपछि पढाइ छोडेर भारततिर लागेको र कान्छी छोरी घरमै आफूसँग भएको खीमलाल बताउँछन्। सदरमुकाममा मासिक एक हजार कोठा भाडा र अन्य लाग्ने खर्च घरबाटै मजदुरी गरेर टारेको उनी बताउँछन्।
छोरीको माया भएपनि सँगै बसेर थप सेवा गर्न नपाएकोमा परिवारलाई चिन्ता छ। शारदा खाना पकाउनेदेखि जम्मै कोठाको काम आफै गर्छिन । यसरी बामे सरेर धेरै हिड्दा शारदालाई पानी पर्दा र चिसो मौसममा निकै पिडा हुन्छ।
रातभरी शरीर दुखेर निन्द्रा नै लाग्दैन शारदा भन्छिन्। कहिले काँही क्याम्पस जादा दया गर्ने साथीहरू भेटीएमा कापी किताब बोकेर सहयोग गर्ने र कहिले काहि मान्छेको भिडभाडमा आफूलाई धेरैले कुल्चेर हिडने गरेको पनि शारदा पिडा पोख्छिन्। हात खुट्टा टेक्दै हिड्दा शारदा लडेर शरीरभरी भएका घाउहरू आलै छन्।
यति सर्घष गरेर पनि उनको मेहनत र लगनशिलतामा भने कमि छैन।' मलाइ कोही सहयोग गर्ने भए म कति प्रगति गर्ने थिए, मेलै जति पढनु पर्ने किताब हो त्यति पैसा नभएर पढ्न नै पाएको छैन,' शारदा दुखेसो पोख्छीन्,' लोक सेवाको लागि थरीथरी नयाँ किताब बजारमा आउँछन् मसँग छैनन् साथीहरूको किताब कहिले काही मागेर पढने गर्छु।'
उनलाई हालसम्म कतैबाट पनि सहयोग आएको छैन। उनी पढ्ने क्याम्पस खलंगा बहुमुखी क्याम्पसले पनि अत्तिरिक्त शुल्कमा मत्रै छुट दिएको छ। उनको समस्यालाई ध्यानमा राख्दै हामीले छुट दिएका छौ क्याम्पस प्रमुख बिश्वनाथ ज्ञवालीले जानकारी दिए।
शारदा जस्ता मेहनतीलाई सबैले सक्दो सहयोग गरेमा उनको प्रगति हुने थियो।
फोटो क्याप्सन : हात टेकेर घिरँसिरदै लोकसेवाको टुयुसन पढन जादै गरेको शारदा शर्मा
