अमेरिकाको बाल्टिमोरमा कवि ,गीतकार तथा साहित्यकार बसन्त चौधरीका मेघा ई बुक (मेघा बिधुतिय पुस्तक) तथा पाँचौ गीती एल्बम 'लव फर एभर' व्हाइट हिमाल टेलिभिजन तथा बाना (बाल्टिमोर एसोसिएसन अफ नेपलिज इन अमेरिका) को सयुक्त आयोजना तथा प्रेमी कला केन्द्रको प्रस्तुतिमा विश्व काब्य यात्रा कार्यक्रम सम्पन्न भएको छ ।
मेघा ई बुकको बिमोचन अमेरिकाका लागि नेपाली राजदूत डा शंकर प्रसाद शर्मा तथा पाँचौ गीत एल्बम लव फर एभरको लोकार्पण नेपाल कि वरिस्ठ गायिका मिरा राणाले गरेकी हुन् । कवी वसन्त चौधरीको परिचय श्रब्य दृश्यबाट गराईएको थियो भने पाँचौ गीत एल्बम लव फर एभरबाट दुई वटा गीत भारतीय गायिका श्रेया घोषालले गाएको थिइन् ।
कार्यक्रमा वसन्त चौधरीले देश प्रेम ,माया ,प्रेम जीवनको चित्रण ,काब्य यात्रामा अमेरिका आउनु भन्दा अगाडी अमेरिकाको लागि लेखिएको कविता तथा बाल्टिमोरले गरेको आतिथ्य प्रति थोपा थोपा कविता वाचन गरेका थिए ।
प्रमुख अतिथि राजदूत डा शंकर प्रसाद शर्माले कवी वसन्त चौधरीलाई बधाई तथा शुभकामना दिँदै उनका गीतहरु मन छुने भन्दै वसन्त चौधरी एक बहु आयामिक व्यक्तित्व भएको उल्लेख गरेका थिए । यसैगरि आयोजक व्हाइट हिमाल टेलिभिजनका अधक्ष शान खड्काले कवी वसन्त चौधरीका गीतहरु देश प्रेम र राष्ट्रियताको झझल्को आउने प्रकारको लागेको र आफूले जहिले पनि सहयोग गर्न तयार रहको प्रतिबद्दता जाहेर गरेकाथिए ।
कार्यक्रममा वसन्त चौधरीलाई आयोजकका तर्फबाट मायाको चिनो प्रदान गरिएको थियो भने बसन्त चौधरीले पनि कार्यक्रममा हौसला प्रदान गरेकोमा आयोजकलाई नेपाल बाट ल्याएको उपहार दिएका थिए ।
कविता सुन्नु हुने सबैमा आभार प्रकट गर्दै कविता वाचन गर्दा हर्ष लागेको उल्लेख गर्दै चौधरीले कविताको माध्यमबाट छुट्टै संसार रच्न चाहने बताए ।
नायक सरोज खनालले कवी वसन्त चौधरीका कवितालाई अभिनयको माध्यमबाट प्रस्तुत गरेका थिए । कार्यक्रमका सभापति लोक गायक प्रेम राजा महतले हर्ष व्यक्त गरेको र यस्तो मौका दिएकोमा आभार प्रकट गरी चौधरीलाई समर्पित गर्दै रोई रहेको होला एउटा नेपाली भन्ने गीत गाएका थिए ।
कार्यक्रममा बिश्व किर्तिमान कायम गर्ने संचारकर्मी रबि लामिछानेलाई प्रशंसा प्रमाण प्रदान गरिएको थियो । विश्व काब्य यात्राको मुख्य उदेश्य नेपाली भाषा ,साहित्य र संस्कृतिलाई आगामी पिढीहरु सम्म पुर्याउन मदत हुन् सक्ने छ भन्ने रहेको छ भने चौधरीले दुई सय भन्दा बढि कविता तथा पाँच दर्जन भन्दाबढी गीत लेखिसकेका छन् ।
