मेम्बर अफ रोयल कलेज अफ पिडियाट्रिक्स एण्ड चाइल्ड हेल्थ (एमआरसिपिसिएच) - (यूके) परीक्षा अब नेपालमा नै हुने भएको छ ।
काठमाडौंको धापासीमा रहेको ग्राण्डी अन्तर्राष्ट्रिय अस्पताललाई उपलब्ध विश्व स्तरीय सेवा सुविधा तथा विशेषज्ञको टिमसँगै यहाँ हुने गरेका विविध शैक्षिक गतिबिधिको कारण रोयल कलेज अफ इङ्ल्याण्डले नेपालमा लिने एम आर सि पि सि एच परीक्षाका लागि छनोट गरेको हो ।
दुई दिन सञ्चालन हुने परीक्षाका लागि रोयल कलेज अफ पिडियाट्रिक्स एण्ड चाइल्ड हेल्थ बेलायतबाट १५ जना फ्याकल्टीहरू नेपाल आएका छन्। नेपाल तथा नेपाल बाहिरका गरी २४ जना बालरोग बिशेषज्ञहरु परीक्षार्थीका रुपमा सहभागि हुनेछन्।
परीक्षा रोयल कलेज अफ पिडियाट्रिक एण्ड चाइल्ड हेल्थ युके र कान्ति बाल अस्पतालसँगको सहाकर्यमा ग्राण्डी अन्तर्राष्ट्रिय अस्पतालमा भोलि २०७५ साल पुस २८ गते शनिबार बिहानबाट सञ्चालन हुनेछ ।
यस परीक्षाका लागि यसअघि बिदेश जानुपर्ने वाध्यता थियो।
