पूर्व–पश्चिम राजमार्ग अन्तरगत शिवराज नगरपालिका–१ मा बा १४ च ८४४५ नम्बरको कार शुक्रबार बिहान सवा ८ बजेतिर दुर्घटना हुँदा घोराही उपमहानगरपालिका वडा नं. १५ निवासी ४० वर्षीय तीर्थ आचार्यको मृत्यु भएको इलाका प्रहरी कार्यालय चन्द्रौटाले जानकारी दिएको छ।
आचार्य आफैंले कार चलाएका थिए। उनको घटनास्थलमै मृत्यु भएको प्रहरीले बताएको छ। उक्त दुर्घटनामा परी लमही नगरपालिका वडा नं. ८ सतबरीया निवासी २७ वर्षीय अनिलकुमार चौधरी गम्भीर घाइते भएका छन्।
चौधरीलाई उपचारको लागि बुटवलतर्फ पठाइएको प्रहरीले जानकारी दिएको छ ।
तीव्र गतिको कार अनियन्त्रित भएर सडकबाट तीन सय मिटर तल मामा खोलामा खसेको प्रहरीले जानकारी दिएको छ ।
