महोत्तरीमा सरकारी जग्गा अतिक्रमण गर्नेहरुलाई त्यहाँबाट हटाउने अभियान सुरु भएको छ।
जिल्ला सुरक्षा समितिकाे आदेशमा जिल्ला प्रहरी कार्यालयले मटिहानीमा रहेको लक्ष्मी नारायण मठको जग्गा अतिक्रमण गर्नेहरुलाई त्यहाँबाट हटाउन सुरु गरेको छ।
सिडियो उमेशकुमार ढकालले पनि सरकारी जग्गा अतिक्रमण गर्नेहरुमाथि कारबाही थाल्न निर्देशन दिइसकेका छन्।
जग्गा अतिक्रमण गरेर टहरा बनाएकाहरुको टहरा भत्काउन सुरु गरिएको एसपी इश्वर कार्कीले बताए। उनीहरुलाई त्यस स्थान छाड्न प्रहरीले यस अघि सुचना जारी गरेपनि स्थानीयले अटेर गरेका थिए।
आज २५ वटा घर टहरा भत्काइएको एसपी कार्कीले बताए। अन्य स्थानमा पनि सरकारी जग्गा अतिक्रमण गर्नेहरुको पहिचान भइसकेको र त्यहाँ पनि अभियान चलाइने उनले बताए।