दाङमा आगलागीले एकै दिनमा २० घरगोठ जलेर नष्ट भएका छन्।
घोराही उपमहानगपरपालिका वडा नं. १ सिरुखर्चमा स्थानीय सल्लिकोट सामुदायिक वनमा लागेको डढेलो बस्तीसम्म फैलिदा १८ घर गोठ जलेर नष्ट भएका छन् भने सोलारबाट आगलागी हुँदा थप दुई घर गोठ जलेर नष्ट भएका छन्।
बुधबार बेलुकी पख वनमा लागेको डढेलो हावाको माध्यमवाट बस्तीसम्म पुग्दा स्थानीय ५६ वर्षीय हेमलाल थापाको जस्तापाताले छाएको एउटा घर र फुसले छाएको गोठ, २१ वर्षीय मेघराज थापाको फुसको छानोयुक्त एउटा घर र फुसले छाएको एउटा गोठ, सिरुखर्क कै २५ वर्षीय शिवलाल थापाको फुसको छानोयुक्त एउटा घर र गोठ, देवबहादुर थापाको फुसले छाएको एउटा घर र गोठ र ४० वर्षीय प्रेम थापाको फुसले छाएको एउटा घर र गोठमा आगो लाग्दा झन्डै ५१ लाख बराबरको धन सम्पत्ति नष्ट भएको प्रहरीले जानकारी दिएको छ।
आगलागीबाट मेहलाल थापाको १३ लाख बराबर,मेघराज थापाको ९ लाख बराबर, शिवलाल थापाको ८ लाख बराबर, देवबहादुर थापाको साढे ९ लाख बराबर र प्रेमबहादुर थापाको साढे ११ लाख बराबरको क्षति भएको जिल्ला प्रहरी कार्यालय दाङले जानकारी दिएको छ।