ज्यान मार्ने उद्योग मुद्दाका फरार प्रतिवादीलाई जिल्ला प्रहरी कार्यालय नुवाकोटले पक्राउ गरेको छ।
पक्राउ पर्नेमा नुवाकोट किस्पाङ ४ ठूलो गाउँ बस्ने २५ वर्षीय योगेश तामाङ र सोही स्थान बस्ने ३१ वर्षीय चन्द्र तामाङ रहेका छन्।
२०७५ साल माघ ५ गते नुवाकोट किस्पाङ ४ ठूलो गाउँमा ३१ वर्षीय दिलिप तामाङलाई धारिलो हतियार प्रहार गरी टाउको, सोको पछाडि र पिठ्यूमा समेत काटी सख्त घाइते बनाएर उनीहरू फरार थिए।
सोही स्थानका मेघ बहादुर तामाङको जाहेरीको आधारमा योगेश तामाङ र चन्द तामाङलाई पक्राउ गरे पनि अर्को १ जना चन्द्र तामाङ भने फरार रहेको नुवाकोट प्रमुख प्रहरी नायव उपरीक्षक भिमलाल भट्टराईले जानकारी दिए।
स्थानीय स्थानीय बीचको झगडाको क्रममा हतियार र खुकुरी लिई सांघातिक आक्रमण गरी फरार रहेकोमा प्रहरीको विशेष सुराकीको आधारमा ४ महिनापछि पक्राउ गरिएको प्रहरी नायव उपरीक्षक भट्टराईले जानकारी दिए।
