सिंगापुरको क्रुजमा काम लगाइदिने बहानामा ६ करोड रुपैयाँ भन्दाबढी ठगी गर्ने व्यक्तिलाई प्रहरीले पक्राउ गरेको छ।
महानगरीय प्रहरी अपराध महाशाखाको टोलीले नुवाकोट, गणेशस्थान घर भई तारकेश्वर नगरपालिका मनमैजु बस्ने ३४ वर्षीय प्रविन पौडेललाई पक्राउ गरेको हो। उनलाई असार ३ गते मकवानपुरबाट पक्राउ गरिएको महाशाखाले जनायो।
काठमाडौं-४ विशालनगरमा ट्रेडिङ सेन्टर खोलेर सिंगापुर पठाइदिने भन्दै झापाका तीर्थ हमालबाट पाँच लाख रुपैयाँ ठगी गरेका थिए। अनुसन्धानका क्रममा पौडेलले हमालजस्तै तीन सय जनाभन्दा मानिसबाट ६ करोड रुपैयाँ ठगी गरेको महाशाखाले जनाएको छ।
ठगीमा पौडेलसँगै अन्य व्यक्तिहरू पनि रहेको खुलेकाले त्यस्ता व्यक्तिको खोजी भएरहेको महाशाखाले जानकारी दियो।
पौडेलले पीडितलाई मासिक ६५० डलर तलब हुने आश्वासन दिएका थिए। भारतको दिल्ली र लखनउमा पठाएर पौडेलले पीडितलाई पानीजहाजमा काम गर्ने तालिम समेत गर्न लगाएका थिए।