प्रधानमन्त्री केपी शर्मा ओलीले मुस्लिम समुदायको ठूलो चाड इदको अवसर पारेर रात्री भोजको दिएका छन्।
शनिबार साँझ प्रधानमन्त्रीको सरकारी निवास बालुवाटारमा आयोजित रात्रीभोजमा संघीय संसद सचिवालयका पदाधिकारीहरु, पूर्वप्रधाानमन्त्रीहरु, मन्त्रिपरिषद्का सदस्यहरु, मुस्लिम सांसदहरु, मुस्लिम समुदायका उच्च पदस्थ व्यक्तिहरुलाई आमन्त्रण गरिएको थियो।
शहरी विकास मन्त्री मोहम्मद इश्तियाक राईले मुस्लिम समुदायको पर्वमा सरकार प्रमुखले गरेको यो भोज उल्लेखनीय भएको बताए।
‘मुस्लिम समुदायको चाडको अबसर पारेर नेपालमा सरकार प्रमुखले यति ठूलो कार्यक्रम आयोजना गरेको यो पहिलोपटक हो। प्रधानमन्त्रीले मुस्लिम समुदायलाई प्रोत्साहन गर्नुभयो,’ राईले सेतोपाटीसँग भने।
नेपालमा मुस्लिम समुदायको जनसंख्या कुल जनसंख्याको ४ दशमलम ५ प्रतिशत छ।