राष्ट्रिय मानव अधिकार आयोगले मुलुकमा दण्डहीनता झनै बढेर गएको निष्कर्ष निकालेको छ।
नेत्रविक्रम चन्द नेतृत्वको नेकपाका सर्लाही इन्चार्ज कुमार पौडेललाई प्रहरीले ‘इन्काउन्टर’को नाममा मारिएको भनेर दण्डहीनतालाई बढाइएको राष्ट्रिय मानव अधिकार आयोगका अध्यक्ष अनुपराज शर्माले बताए।
सोमबार ललितपुरस्थित आयोगको कार्यालयमा सञ्चारकर्मीहरूसँग अन्तरक्रिया कार्यक्रममा बोल्दै उनले प्रहरीले सो घटनाको अनुसन्धानलाई नै प्रभावित पार्ने गरी इन्काउन्टरमा मारिएको भनेकोमा आपत्ति जनाए।
अध्यक्ष शर्माले सरकारले ल्याएको मानव अधिकार आयोग ऐन सम्बन्धि विधेयक र प्र्रेस स्वतन्त्रताविरोधी विधेयक मानव अधिकारको ठाडो उलंघन हुनेगरी आएको बताए।
अध्यक्ष शर्माले मानव अधिकार आयोग ऐन संशोधन गर्न बनेको विधेयक मानव अधिकार आयोगलाई नियन्त्रण गर्ने गरी आएको दावी गर्दै मान्य नहुने पनि स्पष्ट पारे।