हिजो रातीदेखि परेको निरन्तरको वर्षाका कारण ललितपुर स्थित पुल्चोक प्रहरी प्रभाग अगाडिको रूख ढलेको छ।
रूख ढलेपनि प्रहरीले त्यसबाट कुनै मानविय क्षति नभएको जनाएको छ। पुल्चोकबाट मंगबजार जाने बाटोतर्फ रूख ढलेको हो।
प्रभाग परिसरभित्रै रहेको सो रूख सडकतर्फ ढल्दा प्रभाग कम्पाउण्डको पर्खाल भत्किएको छ।
हाल सो रूखलाई त्यहाँबाट हटाइसकिएको जानकारी पुल्चोक प्रहरीले दिएको छ।